Мусагалиева Айжан Ниазбековна – PhD, қауымдастырылған профессор (доцент). 13 жылдан астам ғылыми-педагогикалық еңбек өтілі бар. 2016 жылы философия докторы (PhD) ғылыми дәрежесі берілді, 2024 жылы қауымдастырылған профессор (доцент) ғылыми атағы тағайындалды. 40-тан астам ғылыми жарияланымның авторы, оның ішінде Web of Science және Scopus халықаралық деректер базаларында индекстелген мақалалар, КОКСНВО ұсынған басылымдар, сондай-ақ халықаралық конференциялар материалдары бар. 2 монографияның, 1 оқу құралының авторы, зияткерлік меншік нысандарына 3 қорғау құжатының иегері. Ludwig Maximilian University of Munich (Германия), University of Salzburg (Австрия), University of Reading (Ұлыбритания) университеттерінде шетелдік ғылыми тағылымдамалардан өткен. «Алматы агломерациясы мысалында қалалық жерлерді тұрақты пайдалануға арналған эколого- экономикалық бағалау» тақырыбындағы ГФ AP26100641 ғылыми жобасының жетекшісі. ҚР ҒЖБМ-нің ГФ және ПЦФ ғылыми жобаларын жүзеге асыруға қатысады, оның ішінде: – Іле-Алатау ұлттық паркінде овертуризмнің алдын алу үшін БПЛА, ГИС және ЖИ құралдарын қолдана отырып рекреациялық сыйымдылықты модельдеу; – Қазақстан Республикасының ірі қалаларының тұрақты дамуын кешенді географиялық бағалау; – «Цифрлық Қазақстан» бағдарламасы аясында өңірлер халқының өмір сүру сапасын кеңістіктік кешенді талдаудың атласты ақпараттық жүйесін әзірлеу; – Батыс Қазақстан өңірінің табиғи-шаруашылық және әлеуметтік-экономикалық жүйелерінің жасыл өсу жағдайындағы тұрақты дамуы. Бакалавриат, магистратура және PhD докторантура деңгейлерінде оқытушылық қызмет атқарады; «7М05203 – География» білім беру бағдарламасының координаторы болып табылады және магистранттар мен PhD докторанттарға ғылыми жетекшілік етеді. Оның ғылыми жетекшілігімен 1 докторант диссертациясын сәтті қорғады. “Sustainable Cities” (Johns Hopkins University), “Modern Issues in Food & Agriculture” (University of Illinois Urbana-Champaign) мамандықтары бойынша курстарды аяқтағаны туралы сертификаттары бар. 2020 жылдан бастап әл-Фараби атындағы ҚазҰУ география, жерге орналастыру және кадастр кафедрасының ғылыми-инновациялық қызмет және халықаралық байланыстар жөніндегі меңгеруші орынбасары. 2021 жылдан бастап диссертациялық кеңестің ғалым хатшысы. 2022–2024 жылдары «ҚазҰУ Хабаршысы. География сериясы» журналының жауапты редакторы болды. «Жоғары оқу орнының үздік оқытушысы – 2025» атағының иегері.